Mieke het Sondag die 26ste Oktober verjaar - ek kan nie glo my baby is al sewe nie...
Ons het vir haar 'n klein lessenaartjie en stoel gekoop vir haar verjaarsdag (onder andere - so wreed is ons darem nie) en Werner het dit Saterdagoggend terwyl sy by Stagecoach was al grommende aanmekaar geslaan. So toe sy wakker word Sondag was dit in haar kamer met nog 'n persent bo op - sy was baie happy. Sy het ook 'n wekker gekry en Pixelchix babysitter game en 'n Disney prinses kasteel en perd wat my twee ure gevat het om op die slaan (hier in $%$£ Engeland moet mens friggen alles jouself opslaan!)
Toe bak ek gou twee baksels sjokolade muffins in die blommetjie muffinpan wat ek by my buurvrou by nommer 8 geleen het - dis so cute - 'n silicone pan met daisy en roos vorms. Toe dust ek dit met versiersuiker - dit lyk so mooi alhoewel ek nie dink dat die kiddies dit veel waardeer het nie!
Ek het Vrydag al haar koek gebak (ingeval dit flop en ek gou 'n winkelkoek moes gaan koop het) en dit het baie mooi uitgekom - nie sleg vir 'n eerste poging nie! Ek het die versierings en icing vir haar koek by 'n 'cake decorating' website gekoop - hier kan mens mos alles en nog wat oor die internet koop. So dit was pienk en pers en groen icing, klaar reg om uit te rol, en pers vere en goue sterre en balletjies. Die koek was sommer 'n boks sjokolade koek wat ek gebak het en die boonste twee lae twee kleiner koeke wat ek gekoop het en kleiner gesny het.
Ek het soos gewoonlik weer bietjie dol gegaan met haar partytjie (Venetian Mask Party), maar ek het besluit ek gaan dinge my way doen en nie worry oor wat almal gaan dink nie.
Ons het 'n saal hier naby ons gehuur en dis nice want dis kleinerig met 'n mooi uitsig op die park. Ons het groen en pienk en goue ballonne opgeblaas en ek het mardi gras tema versiering opgesit en die tafel ook so versier met goue krale en al. Ek het iemand gekry om saam met hulle goue venetian maskers te versier en vir party bags het ek klein pienk organza sakkies met sjokolade muntstukke gevul en ook vir elkeen 'n goue ladybird hangertjie (met 'n horlosie as jy die vlerke oopvou) ingesit. Dit lyk seker vreeslik duur maar ek het dit op Ebay van China af bestel vir £15 vir 10 van hulle wat glad nie sleg is nie (dankie Ebay).
Soos gewoonlik was die oomblik vir Mieke net te groot - eers het sy gehuil omdat sy 'n game verloor het, en toe gee die vrou vir haar 'n persent toe huil sy eers. Ek vra vir haar toe hoekom huil sy toe se sy want sy is so happy! Dit maak alles die moeite werd....
No comments:
Post a Comment